பண்ணாரி அம்மன் கோயிலில் இருந்து மைசூர் சாமுண்டீஸ்வரி அம்மனுக்கு வஸ்திர மரியாதை

ஈரோடு மாவட்டம் சத்தியமங்கலம் அருகே உள்ள பண்ணாரி மாரியம்மன் கோயிலிலிருந்து மூன்றாம் ஆண்டாக இன்று மதியம் கர்நாடகா மாநிலம் மைசூர் சாமுண்டீஸ்வரி கோயிலில் உள்ள சாமுண்டீஸ்வரி அம்மனுக்கு வஸ்திர மரியாதை செய்வதற்கு பட்டுப்புடவை, மலர்மாலைகள், மஞ்சள். குங்குமம், பழங்கள். பூஜை பொருட்கள் உள்ளிட்டவை கொண்டு செல்லப்பட்டது.சாமுண்டீஸ்வரி அம்மனின் ஜென்ம நட்சத்திரமான ரேவதி நட்சத்திர தினமான (17ம் தேதி) வியாழக்கிழமை காலை 6 மணிக்கு நடைபெறும் கால பூஜையின்போது சாமுண்டீஸ்வரி அம்மனுக்கு வஸ்திர மரியாதை சாத்தும் நிகழ்ச்சி நடைபெறவுள்ளது. இந்நிகழ்ச்சியில், இந்து சமய அறநிலையத்துறையின் சார்பாக ஈரோடு மண்டல இணை ஆணையர் பரஞ்ஜோதி, கோயிலின் துணை ஆணையரும், செயல் அலுவலருமான மேனகா, கோயில் பரம்பரை அறங்காவலர்கள் புருஷோத்தமன், ராஜாமணி தங்கவேல், பூங்கொடி, திருக்கோயில் கண்காணிப்பாளர் பாலசுந்தரி, கோயில் பூசாரிகள் மற்றும் திருக்கோயில் பணியாளர்கள் ஆகியோர் கலந்து கொள்ள உள்ளனர்