ஈரோடு கொங்கு கலை மற்றும் அறிவியல் கல்லூரியின் நிறுமச் செயலியல் மற்றும் தொழில்சார் கணக்குப் பதிவியல் துறை சார்பில் “CorPro Gl Mart” எனும் புவிசார் குறியீடு பெற்ற இந்திய பொருட்கள் மற்றும் இதர பொருட்கள் சார்ந்த கண்காட்சி மற்றும் விற்பனை, இக் கல்லூரியின் கலையரங்கத்தில் நடைபெற்றது.இந்த கண்காட்சியை இக் கல்லூரியின் தாளாளர் பி.டி.தங்கவேல், கல்லூரியின் முதல்வர் எச்.வாசுதேவன் ஆகியோர் துவங்கி வைத்தனர். இக்கண்காட்சியில், பிரபல புவிசார் குறியீடு பெற்ற ஈரோடு மஞ்சள், ஸ்ரீவில்லிபுத்தூர் பால்கோவா, கோவில்பட்டி கடலைமிட்டாய், மணப்பாறை முறுக்கு, ஊட்டி வர்க்கி, பழனி பஞ்சாமிர்தம் போன்ற பொருட்களும், அவற்றை வைத்து செய்யப்பட்ட மதிப்பு சேர்க்கப்பட்ட பொருட்களும் விற்பனை செய்யப்பட்டன. மேலும், இதர உணவுக் கடைகள் பழச்சாறு கடைகள், ஆண்கள் மற்றும் பெண்களுக்கான ஆடையகங்கள், விளையாட்டுகள், புகைப்பட நிலையங்கள் என பல்வேறு கடைகளை அத்துறையின் மாணவர்கள் கண்காட்சியில் அமைத்தனர். இக்கண்காட்சியில் ஏறக்குறைய 20 புவிசார் குறியீடு பெற்ற பொருட்கள் விற்பனை செய்யப்பட்டது.இதில், 60க்கும் மேற்பட்ட விற்பனையகங்கள் மாணவர்களால் நடத்தப்பட்டது.
