தி மு க இளைஞர் அணி செயலாளரும், தமிழ்நாடு இளைஞர் நலன் மற்றும் விளையாட்டு மேம்பாட்டு துறை அமைச்சருமான உதயநிதி ஸ்டாலின் துணை முதல்வராக ஆனதை கொண்டாடும் வகையில் ஈரோடு மாநகர திமுக சார்பில் ஈரோட்டில் பல்வேறு இடங்களில் பட்டாசு வெடித்து பொது மக்களுக்கு இனிப்புகள் வழங்கப்பட்டது. திமுகவின் பெரியார் நகர் பகுதி கழகம் சார்பில் சூரம்பட்டி நான்கு சாலை சந்திப்பில் பெரியார் நகர் பகுதி செயலாளர் அக்னி சந்துரு தலைமையில் கட்சியின் மாநகர செயலாளர் மு.சுப்பிரமணியம் பொதுமக்களுக்கு இனிப்புகளை வழங்கினார். மேலும், திமுகவின் பெரியசேமூர் பகுதி கழகம் சார்பில் வீரப்பன்சத்திரம் பேருந்து நிறுத்தத்தில் ஈரோடு மாநகராட்சி துணை மேயர் வி.செல்வராசு தலைமையில் மாநகர செயலாளர் மு.சுப்பிரமணியம் இனிப்புகள் வழங்கினார். வீரப்பன் சத்திரம், கனி ராவுத்தர் குளம் உள்ளிட்ட பல்வேறு பகுதிகளிகளிலும் திமுக கட்சியினர் பட்டாசுகள் வெடித்தும் இனிப்புகள் வழங்கியும் கொண்டாடினர்.
