2024ம் ஆண்டு நிறைவடைந்து 2025ம் ஆண்டு பிறந்ததையடுத்து, ஈரோடு மக்கள் வண்ண பலூன்களை மேலே பறக்க விட்டு ஆங்கிலப் புத்தாண்டை உற்சாகமாக வரவேற்று மகிழ்ந்தனா்.ஈரோட்டில் ஒவ்வொரு ஆண்டும் ஆங்கிலப் புத்தாண்டு கொண்டாட்டங்கள் களை கட்டுவது வழக்கம். அந்த வகையில், இந்த ஆண்டும் ஈரோட்டில் ஆங்கிலப் புத்தாண்டை வரவேற்க மக்கள் தயாராக இருந்தனர். நேற்று நள்ளிரவு சரியாக 12 மணிக்கு ஈரோடு பன்னீர்செல்வம் பூங்கா அருகே அமைந்துள்ள சிஎஸ்ஐ பிரப் நினைவாலயத்தின் மேல்பகுதியில் உள்ள டிஜிட்டல் பலகையில் புத்தாண்டு வாழ்த்து தெரிவிக்கப்பட்டது.
அப்போது, அங்கு கூடியிருந்த ஆயிரக்கணக்கான மக்கள் ஆரவாரத்துடன் ஹேப்பி நியூ இயர் என்று உற்சாகமாக குரல் எழுப்பி, தாங்கள் கைகளில் வைத்திருந்த வண்ண பலூன்களை மேலே பறக்கவிட்டு, ஒருவருக்கொருவர் மகிழ்ச்சியுடன் புத்தாண்டு வாழ்த்துகளை பரிமாறிக் கொண்டனர். பின்னர், குழுக்களாக சேர்ந்து கேக் வெட்டியும், ஒருவருக்கு ஒருவர் கேக் ஊட்டியும் மகிழ்ந்தனர்.இதேபோல், ஈரோடு மாவட்டத்தின் பல்வேறு இடங்களில் இளைஞர்கள் நடனம் ஆடியும், பட்டாசு, வாணவேடிக்கைகள் வெடித்தும் புத்தாண்டை வரவேற்றனர்
பிறந்தது புத்தாண்டு : ஈரோட்டில் கோலாகல கொண்டாட்டம்
Shares:
